இம்ரான் கானின் சாதனையை சமன் செய்த அஸ்வின்!

இந்திய அணியின் ஆல்ரவுண்டர் ரவிச்சந்திரன் அஸ்வின் பாகிஸ்தான் முன்னாள் கேப்டன் இம்ரான் கானின் சாதனையை சமன் செய்துள்ளார்.

இந்தியா மற்றும் இங்கிலாந்து அணிகளுக்கு இடையிலான டெஸ்ட் தொடரை இந்திய அணி 3-1 என்ற கணக்கில் வெற்றி பெற்றது. இந்த தொடரில் சிறப்பாக பந்து வீச்சு மற்றும் பேட்டிங் என இரண்டிலும் செயல்பட்ட ரவிச்சந்திரன் அஸ்வின் தொடர்நாயகனாக தேர்வு செய்யப்பட்டார். இது அவரின் 8 ஆவது தொடர்நாயகன் விருதாகும்.

இதற்கு முன்னர் பாகிஸ்தான் அணியின் முன்னாள் கேப்டன் இம்ரான் கான், நியூஸிலாந்தின் ரிச்சார்ட் ஹாட்லி, ஆஸ்திரேலியாவின் ஷேன் வார்ன் ஆகியோர் 8 முறை தொடர்நாயகன் விருது பெற்றுள்ளனர். அவர்களின் சாதனையை இப்போது அஸ்வின் சமன் செய்துள்ளார்.

11 முறை தொடர்நாயகன் விருதுபெற்று முத்தையா முரளிதரன் முதலிடத்திலும், தென்னாப்பிரிக்காவின் ஜாக் காலிஸ் 9 முறை விருதுபெற்று இரண்டாம் இடத்திலும் உள்ளனர் என்பது குறிப்பிடத்தக்கது.