மேற்கிந்திய தீவுகள் அணிக்கு எதிரான 2-வது டெஸ்ட் போட்டியில், முதல் இன்னிங்சில் மேற்கிந்திய தீவுகள் 196 ரன்னில் ஆட்டமிழந்து. இதை தொடர்ந்து ஆடிய இந்திய அணி 5 விக்கெட் இழப்புக்கு 358 ரன்கள் எடுத்துள்ளது.
கே.எல். ராகுல் சிறப்பான ஆட்டத்தை வெளிப்படுத்தி 303 பந்துகளில் 15 பவுண்டரி, 3 சிக்சருடன், 158 ரன்கள் எடுத்தார். 6-வது டெஸ்டில் விளையாடும் ராகுலுக்கு இது 3-வது சதமாகும். விராட் கோலி 44 ரன் எடுத்து இருந்தபோது ஆட்டமிழந்தார். முதல் டெஸ்டில் சதம் அடித்ததால் சுழற்பந்து வீரர் அஸ்வின் 6-வது வீரராக களம் இறக்கப்பட்டார். ஆனால் அவர் 3 ரன்னில் எல்.பி.டபிள்யூ. ஆனார். தற்போது, ரகானே 42 ரன்னிலும், விருத்திமான் சகா 17 ரன்னிலும் ஆட்டம் இழக்காமல் உள்ளனர்.