இந்நிலையில் கவுண்டி அணி சர்ரேயில் பீட்டர்சனுடன் சேர்ந்து ஆடிய இங்கிலாந்து வேகப்பந்து வீச்சாளர் கிறிஸ் டிரெம்லெட், கெவின் பீட்டர்சனுக்கு தனது முழு ஆதரவையும் தெரிவித்துள்ளார்.
" நான் பார்த்த வரையில் கெவின் எந்த தவறையும் செல்லவில்லை, ஆனால் என்ன நடந்தது என்பது பற்றிய நேர்மை நமக்குத் தேவை. எல்லோரும் ஒத்துக்கொள்கிறார்களோ இல்லையோ, இதனடியில் சில கசப்பான உண்மைகள் ஒளிந்து கொண்டிருக்கின்றன. ஆனால் கெவின் பீட்டர்சன் மிக நேர்மையான மனிதர். இங்கிலாந்து ஓய்வறையில் வீரர்கள் பலர் அமுக்குணியாக இருக்கும்போது தன் மனதில் பட்டதை நேர்மையாக பேசுபவர் கெவின் பீட்டர்சன்.
நானும் பீட்டர்சனும் சிறந்த நண்பர்கள். ஆஸ்ட்ரேலிய தொடரில் நானும் இருந்தேன், நான் பார்த்தவரையில் கெவின் எந்த தவறும் செய்யவில்லை.
ஏதாவது அவர் நினைத்தால் நம் முகத்திற்கு நேராக அதைக் கூறிவிடுவார் கெவின். அவர் நடந்ததைப் பற்றி நேர்மையாக கருத்துக்களை தெரிவித்திருப்பார். அவர் பயப்படமாட்டார். ஆனால் இதற்காக அவர் இங்கிலாந்துக்கே விளையாட முடியாது போய்விட்டது என்பது தெரியவில்லை. ஆனால் கெவின் பீட்டர்சன் இங்கிலாந்துக்கு இனி விளையாட மாட்டார் என்பது மிகவும் வெட்கப்படவேண்டிய ஒரு விஷயம்.
இவ்வாறு கூறியுள்ளார் கிறிஸ் டிரெம்லெட்.