நேர்மையாக இருந்ததுதான் கெவின் பீட்டர்சன் செய்த ஒரே தவறு - கிறிஸ் டிரெம்லெட்
, செவ்வாய், 25 மார்ச் 2014 (15:15 IST)
ஆஸ்ட்ரேலியாவிடம் ஆஷஸ் தொடரில் 5- 0 என்று உதை வாங்கியதற்கு இங்கிலாந்து கிரிக்கெட் வாரியம் கெவின் பீட்டர்சனை பலிகடாவாக்கி அவரை அனைத்து வடிவங்களிலிருந்தும் நீக்கியது. அவரை இதுபோன்று செய்ததற்கான அடிப்படை காரணங்கள் இருக்கின்றன. ஆனால் மௌனமே நிலவி வருகிறது.
இந்நிலையில் கவுண்டி அணி சர்ரேயில் பீட்டர்சனுடன் சேர்ந்து ஆடிய இங்கிலாந்து வேகப்பந்து வீச்சாளர் கிறிஸ் டிரெம்லெட், கெவின் பீட்டர்சனுக்கு தனது முழு ஆதரவையும் தெரிவித்துள்ளார்.
"
நான் பார்த்த வரையில் கெவின் எந்த தவறையும் செல்லவில்லை, ஆனால் என்ன நடந்தது என்பது பற்றிய நேர்மை நமக்குத் தேவை. எல்லோரும் ஒத்துக்கொள்கிறார்களோ இல்லையோ, இதனடியில் சில கசப்பான உண்மைகள் ஒளிந்து கொண்டிருக்கின்றன. ஆனால் கெவின் பீட்டர்சன் மிக நேர்மையான மனிதர். இங்கிலாந்து ஓய்வறையில் வீரர்கள் பலர் அமுக்குணியாக இருக்கும்போது தன் மனதில் பட்டதை நேர்மையாக பேசுபவர் கெவின் பீட்டர்சன்.
