தமிழக பாரதீய ஜனதா கட்சியின் மாநில துணைத் தலைவர் வானதி சீனிவாசனிடம் கோவிலில் வாலிபர் ஒருவர் மலர்கொத்து கொடுத்து ஐ லவ் யூ கூறியுள்ளார். இதனால் அங்கு பரபரப்பு ஏற்பட்டது.
பிரதமர் நரேந்திர மோடியின் பிறந்தநாள் இன்று நாடு முழுவதும் பாஜகவினரால் கொண்டாடப்படுகிறது. தமிழகத்தில் மோடியின் பிறந்தநாளையொட்டி கோவையில் கோயில் ஒன்றில் பாஜகவினர் சிறப்பு பூஜை நடத்தினர்.
இந்த சிறப்பு பூஜையில் கலந்துகொள்ள மாநில துணைத் தலைவர் வானதி சீனிவாசன் வந்தார். அங்கு வந்த வாலிபர் ஒருவர் திடீரென வானதி சீனிவாசனிடம் மலர்கொத்து கொடுத்து ஐ லவ் யூ கூறியுள்ளான்.
இதனால் ஆத்திரமடைந்த பாஜகவினர் அவரை அடித்து அந்த இடத்திலிருந்து வெளியேற்றி போலீசில் பிடித்து கொடுத்தனர். இதனால் அங்கு சிறிது நேரம் பரபரப்பு ஏற்பட்டது.