ரஜினியின் அரசியல்: மறுபடியும் முதல்ல இருந்தா?

சூப்பர் ஸ்டார் ரஜினிகாந்த் கடந்த 20 வருடங்களாக அரசியலுக்கு வருவது போன்று பேசுவார், பின்னர் பின்வாங்கிவிடுவார், இதே தொடர்கதையாக நடந்து கொண்டிருந்த நிலையில் சமீபத்தில் ரசிகர்கள் மத்தியில் உரையாடிய ரஜினிகாந்த், 'போர் வரும்போது பார்த்து கொள்ளலாம்' என்று கூறினார்

இதனால் ரஜினி இம்முறை அரசியலுக்கு கண்டிப்பாக வருவார் என்று கூறப்படும் நிலையில் இன்று 'காலா' படப்பிடிப்பிற்காக மீண்டும் மும்பை செல்லும் ரஜினி செய்தியாளர்களை சந்தித்தார்.

அப்போது நான் அரசியலுக்கு வந்தால், கண்டிப்பாக உங்கள் கேள்விகளுக்கு பதிலளிக்கிறேன் என்று கூறினார். அரசியலுகு வருவது குறித்து இன்னும் முடிவெடுக்கவில்லை என்றும் தனது நண்பர்களுடன் அரசியல் குறித்து பேசியதாகவும், அரசியலுக்கு வருவது பற்றி ஆலோசனை நடத்தி வருவதாகவும் கூறினார். இதனால் மீண்டும் வேதாளம் முருங்கை மரத்தில் ஏறிய கதைபோல மீண்டும் குழப்பமான ஒரு பதிலை தந்துள்ளார்.