அதிமுக முதல்வர் வேட்பாளர் யார் என்பது குறித்த உட்கட்சி விவகாரம் அதிமுகவில் பரபரப்பை ஏற்படுத்தியுள்ள நிலையில் முன்னாள் அமைச்சர் ஒருவர் அதிமுகவிலிருந்து விலகி திமுகவில் இணைந்தது அதிர்ச்சியை ஏற்படுத்தியுள்ளது.
தமிழக சட்டமன்ற தேர்தலுக்கு இன்னும் சில மாதங்களே உள்ள நிலையில் தமிழக கட்சிகளுக்குள் கட்சி தாவல்களும், உட்கட்சி பூசல்களும் அதிகரிக்கும் சூழல் உருவாகியுள்ளது. சமீபத்தில் அதிமுக முதல்வர் வேட்பாளர் யார் என்பது குறித்து அதிமுக முக்கியஸ்தர்களிடையே பல்வேறு நிலைபாடுகள் எழுந்துள்ளது சர்ச்சையை ஏற்படுத்தியுள்ளது.
இந்நிலையில் அதிமுக முன்னாள் அமைச்சரான வி.எஸ்.விஜய் அதிமுகவிலிருந்து விலகி மு.க.ஸ்டாலின் முன்னிலையில் திமுகவில் இணைந்துள்ளதாக செய்திகள் வெளியாகியுள்ளது. இதனால் அதிமுகவிற்குள் உட்கட்சி பூசல் அதிகமாகி வருகிறதா? அதிமுகவினர் மற்ற கட்சிகளுக்கு செல்ல தயாராகிறார்களா? என்ற சர்ச்சை எழுந்துள்ளது. இந்நிலையில் இன்று முதல்வர் எடப்பாடி பழனிசாமி மற்றும் ஓபிஎஸ் ஆகியோரை அமைச்சர்கள் தனியாக சந்தித்து பேசி வருவது குறிப்பிடத்தக்கது.