Webdunia - Bharat's app for daily news and videos

Install App

விநாயகர் ஊர்வலத்தில் பாய்ந்த மின்சாரம்! – விருதுநகரின் இருவர் பலி!

Virudhunagar
Webdunia
வியாழன், 1 செப்டம்பர் 2022 (11:17 IST)
நேற்று விநாயகர் சதுர்த்தி கொண்டாடப்பட்ட நிலையில் ஊர்வலத்தில் மின்சாரம் தாக்கி இருவர் பலியான சம்பவம் விருதுநகரில் சோகத்தை ஏற்படுத்தியுள்ளது.

நேற்று இந்தியா முழுவதும் விநாயகர் சதுர்த்தி கோலாகலமாக கொண்டாடப்பட்டது. தமிழ்நாட்டில் பல பகுதிகளிலும் பொது இடங்கள், தெருக்கள், கோவில்களில் விநாயகர் சதுர்த்திக்கு சிலைகள் வைக்கப்பட்டு சிறப்பாக கொண்டாடப்பட்டது. பல விநாயகர் கோவில்களில் சிறப்பு வழிபாடுகள் நடத்தப்பட்டன.

விருதுநகர் மாவட்டம் ராஜபாளையம் அருகே சொக்கநாதன்புரத்தில் விநாயகர் சதுர்த்தியையொட்டி சப்பர ஊர்வலம் நடைபெற்றது. பல தெருக்களின் வழியாக விநாயகர் சிலை ஊர்வலமாக கொண்டு செல்லப்பட்டது.

அப்போது பேருந்து நிலையம் குலாவர் தெரு அருகே வளைவில் திரும்பியபோது சப்பரம் மரத்தில் மோதியது. இதனால் பின்னால் எடுத்தபோது அங்கிருந்த விளம்பர பலகை சப்பரத்தின் மீது விழுந்தது. அதிலிருந்து பாய்ந்த மின்சாரத்தால் 5 பேர் படுகாயமடைந்து மருத்துவமனையில் அனுமதிக்கப்பட்டனர்.

அவர்களில் இருவர் உயிரிழந்துவிட்டதாக தற்போது தகவல்கள் வெளியாகியுள்ளது. இந்த சம்பவம் அப்பகுதியில் சோகத்தை ஏற்படுத்தியுள்ள நிலையில், போலீஸார் இது தொடர்பாக வழக்குப்பதிவு செய்து விசாரணை மேற்கொண்டு வருகின்றனர்.

தொடர்புடைய செய்திகள்

எல்லாம் காட்டு

மேலும் படிக்க

ரூ. 2.82 லட்சம் கோடிக்கு "எக்ஸ்" தளத்தை விற்பனை செய்த எலான் மஸ்க்.. என்ன காரணம்?

செங்கோட்டையன் பொதுச்செயலாளர், ஈபிஎஸ் எதிர்க்கட்சி தலைவர்.. பாஜக போடும் திட்டம்?

2026ஆம் ஆண்டின் முதலமைச்சர் யார்? கருத்துக்கணிப்பில் விஜய்க்கு 2வது இடம்..!

நீட் தேர்வு நாடகத்திற்கு முற்றுப்புள்ளி வையுங்கள்! சென்னை மாணவி தற்கொலை குறித்து ஈபிஎஸ்..!

திடீரென டெல்லி சென்ற செங்கோட்டையன்.. பதில் கூற மறுத்த எடப்பாடி பழனிசாமி..!

அடுத்த கட்டுரையில்
Show comments