நெல்லை செல்லும் ரயில்கள் ரத்து..! எந்தெந்த ரயில்கள்? – முழு விவரம்!

திருநெல்வேலி ரயில்வே யார்டு பகுதியில் பராமரிப்பு பணிகள் நடைபெற உள்ளதால் ரயில் சேவைகளில் மாற்றம் செய்யப்பட்டுள்ளது.

திருநெல்வேலி ரயில்வே யார்டு பகுதியில் உள்ள பாலத்தில் பராமரிப்பு பணிகள் நடைபெற உள்ளன. அதன் காரணமாக நெல்லை – திருச்செந்தூர் இடையேயான முன்பதிவில்லா சிறப்பு ரயில் மற்றும் திருச்செந்தூர் – வாஞ்சி மணியாச்சி இடையேயான முன்பதிவில்லா சிறப்பு ரயில் இன்று முழுமையாக ரத்து செய்யப்படுகிறது.

நாகர்கோவில் – தாம்பரம் இடையே செல்லும் அந்தியோதயா விரைவு ரயில் இன்று விருதுநகரில் இருந்து புறப்படும். பாலக்காடு – திருச்செந்தூர் விரைவு ரயில் இன்று பாலக்காட்டில் இருந்து கோவில்பட்டி வரை மட்டுமே இயக்கப்படும்.

திருச்செந்தூர் – பாலக்காடு விரைவு ரயில் இன்று திருச்செந்தூரில் இருந்து கோவில்பட்டி வரை மட்டுமே இயக்கப்படும் என தெற்கு ரயில்வே நிர்வாகம் தெரிவித்துள்ளது.

Edit by Prasanth.K