மீண்டும் உச்சத்திற்கு சென்றது பெட்ரோல், டீசல் விலை!

சென்னையில் பெட்ரோல் மற்றும் டீசல் விலை கடந்த சில நாட்களாக உயர்ந்து கொண்டே வருகிறது என்பதும் பெட்ரோல் விலை 106 ரூபாயையும் டீசல் விலை 102 ரூபாயையும் தாண்டி விட்டது என்பதையும் பார்த்து வருகிறோம்

இந்த நிலையில் இன்றும் பெட்ரோல் மற்றும் டீசல் விலை கணிசமாக உயர்ந்து உள்ளதாக எண்ணெய் நிறுவனங்கள் அறிவித்துள்ளது பொதுமக்களுக்கு பெரும் அதிர்ச்சியை ஏற்படுத்தியுள்ளது. 

சென்னையில் இன்று பெட்ரோல் விலை 31 காசுகள் உயர்ந்தது என்றும் டீசல் விலை 34 காசுகள் உயர்ந்தது என்றும் எண்ணெய் நிறுவனங்கள் அறிவித்துள்ளன. இதனை அடுத்து சென்னையில் ஒரு லிட்டர் பெட்ரோல் விலை இன்று ரூ.106.35 என்ற விலைக்கும் ஒரு லிட்டர் டீசல் விலை ரூ.102.59 என்ற விலைக்கு விற்பனையாகி வருகிறது என்பது குறிப்பிடத்தக்கது. தொடர்ந்து ஏறுமுகத்தில் பெட்ரோல் டீசல் விலை இருப்பதால் மக்கள் கடும் அவதி உள்ளனர் என்பது குறிப்பிடத்தக்கது