டி.என்.பி.எஸ்.சி குரூப் 2 முதன்மை தேர்வுக்கான ஹால் டிக்கெட்.. எந்த இணையதளத்தில்?

டி.என்.பி.எஸ்.சி குரூப் 2  முதன்மை தேர்வுக்கான ஹால் டிக்கெட் வெளியிடப்பட்டுள்ளதை அடுத்து விண்ணப்பதாரர்கள் இணையதளத்தில் ஹால் டிக்கெட் டவுன்லோட் செய்து கொள்ளலாம் என்று அறிவிக்கப்பட்டுள்ளது.

டிஎன்பிஎஸ்சி குரூப் 2, 2ஏ பதவிகளில் வரும் சார் பதிவாளர், துணை வணிகவரி அலுவலர், தொழிலாளர் ஆய்வு உதவியாளர் உள்ளிட்ட பணிகளுக்கு தகுதியான நபர்களை தேர்வு செய்ய கடந்த ஆண்டு செப்டம்பர் மாதம் முதல் நிலை தேர்வு எழுதி நடைபெற்றது.

சுமார் 6 லட்சம் பேர் இந்த தேர்வு எழுதிய நிலையில் கடந்த டிசம்பர் மாதம் முடிவுகள் வெளியாகி அதன் முடிவும் அறிவிக்கப்பட்டது. இதனை அடுத்து இந்த தேர்வில் வெற்றி பெற்றவர்கள் முதன்மை தேர்வு எழுத வேண்டும் என்ற நிலையில் பிப்ரவரி 8 மற்றும் 23ஆம் தேதி முதன்மை தேர்வு நடத்தப்பட உள்ளது.

இந்த தேர்வு எழுத தகுதி பெற்றவர்கள் தங்களுடைய ஹால் டிக்கெட் www.tnpsc.gov.in, www.tnpscexams.in ஆகிய இணையதளத்தில்  டவுன்லோட் செய்து கொள்ளலாம் என்று அறிவிக்கப்பட்டுள்ளது.

Edited by Siva