கருப்பு எம்ஜிஆர் விஜயகாந்த்: நெருப்பு எம்ஜிஆர் யார் தெரியுமா?

கருப்பு எம்ஜிஆர் விஜயகாந்த் என பொய் சொல்லுகின்றனர். ஆனால், உண்மையான நெருப்பு எம்ஜிஆர் யார் தெரியுமா என நடிகை விந்தியா கேள்வி எழுப்பியுள்ளார்.

தமிழகம் முழுவதும் மே 16 ஆம் தேதி தேர்தல் நடைபெற உள்ளது. இதில் அதிமுக சார்பில் போட்டியிடும் வேட்பாளர்களுக்கு ஆதரவாக தமிழ சினிமா பிரபலங்கள் வரிந்து கட்டிக் கொண்டு களம் இறங்கி பிரசாரம் செய்து வருகின்றனர். இதில் நடிகை விந்தியாவின் தேர்தல் பிரசாரம் பலரையும் வியக்கவைத்துள்ளது.

இந்த நிலையில், தேனி மாவட்டத்தில் போட்டியிடும் அதிமுக வேட்பாளர்களுக்கு ஆதரவாக நடிகை விந்தியா வாக்கு சேகரித்தார். அப்போது அவர் பேசுகையில், இந்த தேர்தலில் மட்டும் அல்ல எந்த தேர்தல் வைத்தாலும் அதில் அதிமுகவே வெற்றி பெறும். காரணம், அம்மா மீது மக்கள் வைத்துள்ள நம்பிக்கைதான்.

அது தெரியாமல் சிலர் கருப்பு எம்ஜிஆர் மாற்றம் கொண்டு வருவார் என்று கூறுகின்றனர். எம்ஜிஆர் பெயரை சொல்ல ஒரு சில தகுதிகள் வேண்டும். அந்த தகுதி அவர்களுக்கு உண்டா என்றால் நிச்சயம் இல்லவே இல்லை.

விஜயகாந்த் கருப்பு எம்ஜிஆர் என்றால், முதல்வர் ஜெயலலிதா நெருப்பு எம்ஜிஆர். நெருப்பையும் யார் வெல்லமுடியாது. அம்மாவையும் யாரும் வெல்ல முடியாது என்றார்.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்