திருப்பரங்குன்றம் அதிமுக எம்எல்ஏ சீனிவேல் கவலைக்கிடம்: அதிமுகவினர் சோகம்

திருப்பரங்குன்றம் தொகுதியில் அதிமுக சார்பில் போட்டியிட்டு 93353 வாக்குகளை பெற்று வெற்றி பெற்ற சீனிவேல் உடல்நிலை கவலைக்கிடமாக உள்ளது. பதவியேற்கும் முன்னரே எம்.எல்.ஏ. ஒருவரின் உடல்நிலை அபாயகட்டத்தில் இருப்பது அதிமுக வட்டாரத்தில் சோகத்தை ஏற்படுத்தியுள்ளது.

65 வயதான சீனிவேல் கடந்த சில தினங்களாக உடல் நலக்குறைவால் மதுரை மாவட்டம் வடமலையான் மருத்துவமனையில் அனுமதிக்கப்பட்டார். தொடர்ந்து அவரது உடல்நிலை மோசமாக வேறொரு தனியார் மருத்துவமனைக்கு மாற்றப்பட்டார்.

இந்நிலையில் இன்று மாலை அவர் மாரடைப்பால் மரணமடைந்ததாக ஒரு சில தனியார் தமிழ் தொலைக்காட்சிகளில் செய்திகள் வெளியாகின. இந்நிலையில் அவர் ஆபத்தான நிலையில் மருத்துவமனையில் தீவிர சிகிச்சை பிரிவில் உள்ளார் எனவும், மரணமடையவில்லை எனவும் அவரது உறவினர்கள் தெரிவித்துள்ளனர்.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்