தமிழக சட்டமன்ற தேர்தல் நெருங்கி வரும் நிலையில் ஜெயலலிதாவின் வாரிசு போல ஸ்டாலின் செயல்படுவதாக திருமாவளவன் கூறியுள்ளார்.
தமிழக சட்டமன்ற தேர்தல் ஏப்ரல் 6ல் நடைபெற உள்ள நிலையில் திமுகவுடன் விசிக, காங்கிரஸ், கம்யூனிஸ்ட் கட்சிகள் இணைந்து தேர்தலை சந்திக்கின்றன. இந்நிலையில் தேர்தல் பிரச்சாரத்தில் கூட்டணி கட்சியினர் மும்முரமாக ஈடுபட்டு வருகின்றனர்.
இந்நிலையில் நாளிதழ் ஒன்றிற்கு பேட்டியளித்த விசிக தலைவர் திருமாவளவன் “கருணாநிதியின் பிள்ளை, ஜெயலலிதாவின் வாரிசு போல செயல்படுபவர் மு.க.ஸ்டாலின். திமுகவை கட்டுக்கோப்பாக நிர்வகித்து செல்வதில் ஜெயலலிதாவை பிரதிபலிக்கிறார். தமிழகத்தில் திமுக கூட்டணியின் வெற்றி உறுதியாகியுள்ளது” என கூறியுள்ளார்.