பள்ளி வாசலிலேயே ஆசிரியைக்கு அரிவாள் வெட்டு: தூத்துக்குடியில் பயங்கரம்!

தூத்துக்குடியில் ஆசிரியை ஒருவரை மர்ம நபர்கள் பள்ளி வாசலிலேயே சரமாரியாக அரிவாளால் வெட்டிவிட்டு தப்பி ஓடியுள்ளனர். இந்த சம்பவம் அங்கு பெரும் சோகத்தை ஏற்படுத்தியுள்ளது.

பேஷினா என்ற ஆசிரியை தூத்துக்குடியில் உள்ள தனியார் பள்ளி ஒன்றில் பணி புரிந்து வருகிறார். இவர் வழக்கம் போல இன்று காலை வீட்டிலிருந்து பள்ளிக்க வந்துள்ளார். அப்பொழுது பள்ளி வாசலில் சில மர்ம நபர்கள் ஆசிரியை பேஷினாவை தடுத்துள்ளனர்.

இருச்சக்கர வாகனத்தில் வந்த மர்ம நபர்கள் கையில் இருந்த அரிவாளால் ஆசிரியயை சரமாரியாக தாக்கியுள்ளனர். இதனால் சம்பவ இடத்திலேயே அவர் மயங்கி கீழே விழுந்தார். வெட்டிய மர்ம நபர்கள் உடனடியாக அங்கிருந்து தப்பியோடியுள்ளனர்.

அருகில் இருந்த ஆசிரியர்கள் அவரை மீட்டு மருத்துவமனையில் சேர்த்தனர். தகவலறிந்து வந்த காவல்துறை ஆசிரியை வெட்டிய மர்ம நபர்களை தீவிரமாக தேடி வருகின்றனர். அந்த பள்ளியிலும் தீவிரமாக விசாரணை நடத்தி வருகின்றனர்.