இந்தியாவில் கொரோனா பரவும் டாப் 8 மாநிலங்களில் தமிழகம்? – மத்திய சுகாதாரத்துறை!

இந்தியாவில் கொரோனா வேகமாக பரவும் மாநிலங்களில் தமிழகமும் உள்ளதாக மத்திய சுகாதாரத்துறை தெரிவித்துள்ளது.

இந்தியாவில் கடந்த சில வாரங்களுக்கு முன்னதாக கொரோனா இரண்டாம் அலை தீவிரமாக இருந்த நிலையில் ஊரடங்கு கட்டுப்பாடுகளால் குறைந்தது. ஆனால் தற்போது மீண்டும் தினசரி பாதிப்புகள் அதிகரிக்க தொடங்கியுள்ளன. கேரளாவில் கொரோனா அதிகரித்து வருவதால் எல்லையில் கடும் கட்டுப்பாடுகள் விதிக்கப்பட்டுள்ளன.

இந்நிலையில் மத்திய சுகாதாரத்துறை வெளியிட்டுள்ள தகவலில் இந்தியாவில் கொரோனா இரண்டாம் அலை இன்னும் முடிவுக்கு வரவில்லை என்று கூறப்பட்டுள்ளது. மேலும் கடந்த சில தினங்களில் உலக அளவில் அமெரிக்க, கனடா, ஆஸ்திரேலியாவை தொடர்ந்து இந்தியாவிலும் கொரோனா தினசரி பாதிப்பு அதிகரித்துள்ளது.

இந்தியாவில் கேரளா, இமாச்சல பிரதேசம், ஜம்மு காஷ்மீர், தமிழகம், லட்சத்தீவுகள் உள்ளிட்ட 8 மாநிலங்களில் கொரோனா தினசரி பாதிப்பு அதிகரிக்க தொடங்கியுள்ளதாகவும் அதில் கூறப்பட்டுள்ளது.