வெப்பச்சலனத்தால் அடுத்த 4 நாள்களுக்கு மழை

வெப்பச்சலனத்தால் தமிழ்நாட்டில் பல மாவட்டங்களில் அடுத்த 4 நாள்களுக்கு மழை நீடிக்க வாய்ப்பு என தகவல். 

தமிழகத்தில் வெப்பசலனம் காரணமாக கடந்த சில வாரங்களாக தமிழகத்தில் பல்வேறு பகுதிகளில் மழை பெய்து வருகிறது. முக்கியமாக மேற்கு தொடர்ச்சி மழையை ஒட்டிய மாவட்டங்களில் நல்ல மழை பெய்துள்ளது. 

இந்நிலையில், வெப்பச்சலனத்தால் தமிழ்நாட்டில் பல மாவட்டங்களில் அடுத்த 4 நாள்களுக்கு மழை நீடிக்க வாய்ப்பு என சென்னை வானிலை ஆய்வு மையம் தகவல் அளித்துள்ளது. அடுத்த 24 மணி நேரத்துக்குள் உள்மாவட்டங்களில் ஓரிரு இடங்களில் மிதமான மழைக்கு வாய்ப்பு உள்ளதாம். 

தமிழ்நாட்டின் கடலோர மாவட்டங்கள், அதையொட்டிய உள்மாவட்டங்கள், புதுவையில் நாளை மழைக்கு வாய்ப்புள்ளது என தெரிவிக்கப்பட்டுள்ளது.