சென்னை அண்ணா அறிவாலயத்தில் சட்டமன்ற எதிர்க்கட்சி தலைவரும், திமுக செயல்தலைவருமான மு.க.ஸ்டாலின் செய்தியாளர்களுக்கு தற்போது பேட்டியளித்து வருகிறார்.
தமிழக அரசியலின் தற்போதைய நிலை, சட்டப்பேரவையில் கடந்த சனிக்கிழமை நடந்த ஜனநாயக படுகொலை ஆகியவை குறித்து கருத்து தெரிவித்த ஸ்டாலின், தனது தந்தையும், திமுக தலைவருமான மு.கருணாநிதியின் உடல்நிலை குறித்த தகவலையும் கூறினார்.
கருணாநிதியின் உடல்நலக் குறைவுக்கு காரணம் அவரது வயது முதிர்வுதான் என்றும், அவரது உடல்நிலை தற்போது படிப்படியான முன்னேற்றம் அடைந்து வருவதாகவும் தெரிவித்தார். மேலும் ட்ரக்யோஸ்டோபி செய்யப்பட்டுள்ளதால், பேசுவதில் சிக்கல் உள்ளதாகவும், அவர் பேசுவதற்காக ஸ்பீச் தெரஃபி என்கிற பேச்சுப் பயிற்சி வழங்கப்பட்டு வருவதாகவும் அவர் கூறினார்.
கருணாநிதி என்றாலே அவரது பேச்சாற்றல்தான் அனைவருக்கும் நினைவு வரும். அப்படிப்பட்டவர் வயது முதிர்வு காரணமாக பேச முடியாமல் உள்ளார். அவர் விரைவில் உடல்நலம் பெற்று தனது கம்பீர குரலில் பேச வேண்டும் என்று ஒவ்வொரு திமுக தொண்டனும் எதிர்பார்த்து காத்திருக்கின்றனர்
