பள்ளி பஸ் கவிழ்ந்து 40 குழந்தைகள் படுகாயம்

திருப்பூர் அருகே பள்ளி பஸ் கவிழ்ந்து 40 குழந்தைகள் படுகாயம் அடைந்தனர்.

திருப்பூரில் பிரபல மெட்ரிக் பள்ளி உள்ளது. இந்த பள்ளிக்கு அருகில் இருந்து நூற்றுக்கணக்கான மாணவர்கள் பள்ளிக்கு வந்து கல்வி பயில்கின்றனர்.

இந்த நிலையில், இப்பள்ளியின் பஸ், திருப்பூர் காங்கேயம் சாலையில் சென்ற போது, திடீரென கவிழ்ந்து பெரும் விபத்து ஏற்பட்டது. இதில், பேருந்தில் இருந்த 40 பள்ளிக் குழந்தைகள் படுகாயமடைந்தனர். அருகில் இருந்தவர்கள்  குழந்தைகளை உடனே காப்பாற்றி அருகில் உள்ள மருத்துவமனையில் அட்மிட் செய்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.

இந்த தகவல் அறிந்த குழந்தைகளின் பெற்றோர்கள் மருத்துவமனையில் குவிந்ததால் அங்கு பரபரப்பு ஏற்பட்டுள்ளது.