விஜய் பெயரில் கட்சி ஆரம்பித்து பின்னர் கலைத்த எஸ்.ஏ.சி தற்போது காமராஜர் மற்றும் அண்ணா பெயரில் புதிய இயக்கத்தை தொடங்கியுள்ளார்.
நடிகர் விஜய்யின் தந்தையும், இயக்குனருமான எஸ்.ஏ.சந்திரசேகர் சில மாதங்களுக்கு முன்னர் விஜய்யை கேட்காமலே அவர் பெயரில் கட்சியை தொடங்கியது பரபரப்பை ஏற்படுத்தியது. இதற்கு விஜய் தரப்பில் எதிர்ப்பு எழுந்ததால் கட்சியை கலைப்பதாக அறிவித்த எஸ்.ஏ.சி விரைவில் தன் பெயரில் கட்சி தொடங்கப்போவதாக கூட பேசிக் கொள்ளப்பட்டது.
இந்நிலையில் தற்போது “காமராஜர் அண்ணா மக்கள் இயக்கம்” என்ற புதிய இயக்கத்தை தொடங்கியுள்ளார் எஸ்.ஏ.சந்திரசேகர். இது மக்கள் இயக்கமாக மட்டுமே செயல்பட உள்ளதாகவும், இந்த தேர்தலில் எந்த கட்சிக்கும் ஆதரவு அளிக்கவில்லை என்றும் தகவல்கள் வெளியாகியுள்ளது.