ஓய்வு பெற்ற நீதிபதி கர்ணன் அவர்கள் சமீபத்தில் நீதிபதிகள் குறித்து சர்ச்சைக்குரிய வகையில் பேசியதாக வீடியோ ஒன்று சமூக வலைத்தளத்தில் வைரலானது. இதனை அடுத்து சென்னை ஐகோர்ட்டில் அவருக்கு கடும் கண்டனம் தெரிவித்ததோடு அவரை ஏன் கைது செய்யவில்லை என காவல்துறைக்கும் கண்டனம் தெரிவித்தது
இந்த நிலையில் சமீபத்தில் கைது செய்யப்பட்ட ஓய்வு பெற்ற நீதிபதி கர்ணன் அவர்களுக்கு திடீரென கொரோனா வைரஸ் பாதிப்பு ஏற்பட்டிருந்தது. இதனையடுத்து அவர் மருத்துவமனையில் தனிமைப்படுத்தப்பட்டு சிகிச்சை பெற்று வந்தார்
இந்த நிலையில் கொரோனா நோய் தொற்றால் பாதிக்கப்பட்ட ஓய்வு பெற்ற நீதிபதி கர்ணன் அவர்கள் தற்போது குணமடைந்து விட்டதாக தகவல்கள் வெளியாகி உள்ளது. இதனை அடுத்து நேற்று நள்ளிரவு முதல் அவர் புழல் சிறையில் அடைக்கப்பட்டார் என்பது குறிப்பிடத்தக்கது
ஏற்கனவே ஓய்வு பெற்ற நீதிபதி கர்ணன் தாக்கல் செய்த ஜாமீன் மனு நிராகரிக்கப்பட்டது என்பது குறிப்பிடத்தக்கது