நடந்து முடிந்த மக்களவை தேர்தலில் பாஜக வெற்றிபெற்று மீண்டும் ஆட்சியமைக்கிறது. மே 30ம் தேதி நடைபெறும் பதவியேற்பு விழாவில் இரண்டாவது முறையாக நரேந்திர மோடி பிரதமராக பதவியேற்க உள்ளார்.
இந்நிலையில் நடிகர் ரஜினிகாந்த் மே 30 நடைபெறும் பதவியேற்பு விழாவில் கலந்து கொள்கிறார். தற்போது இயக்குனர் முருகதாஸ் இயக்கத்தில் “தர்பார்” என்ற படத்தில் நடித்து வருகிறார் ரஜினிகாந்த். படப்பிடிப்புக்காக நாளை மும்பை செல்லும் ரஜினிகாந்த் மே 30 நடைபெறும் பதவியேற்பு விழாவில் கலந்து கொள்கிறார். நட்பு ரீதியான அழைப்பின் பேரில் ரஜினிகாந்த் கலந்து கொள்வதாக தெரிவிக்கப்பட்டுள்ளது.