புயலை விரட்டிய ஆன்மீக அரசியல்; ரஜினியுடன் கூட்டணியா? – சூசகம் சொல்லும் ராஜேந்திர பாலாஜி!

நடிகர் ரஜினிகாந்த் தொடங்கவுள்ள கட்சியுடன் அதிமுக கூட்டணி அமைக்க வாய்ப்புள்ளதா என்பது குறித்து அமைச்சர் ராஜேந்திரபாலாஜி பேசியுள்ளார்.

தமிழக சட்டமன்ற தேர்தல் நெருங்கி வரும் நிலையில் நடிகர் ரஜினிகாந்த் ஜனவரியில் கட்சி தொடங்குவதாக அறிவித்துள்ளது அரசியல் வட்டாரத்தில் பெரும் பரபரப்பை ஏற்படுத்தியுள்ளது. இந்நிலையில் ரஜினி கட்சி தொடங்கும் முன்னரே ரஜினி கட்சியுடன் எந்த கட்சி கூட்டணி வைக்கும் என்பது தொடர்பான யூகங்கள் கிளம்பியுள்ளன.

இந்நிலையில் இதுகுறித்து கருத்து தெரிவித்துள்ள ராஜேந்திர பாலாஜி “முதலில் ரஜினி கட்சி தொடங்கட்டும், நிர்வாகிகளை நியமிக்கட்டும். ஜனவரி, பிப்ரவரி காலகட்டத்தில் மாற்றங்கள் நிகழலாம். கூட்டணியும் அமையலாம்” என கூறியுள்ளார்.

மேலும் தமிழகம் நோக்கி வந்த இரு புயல்களும் வலுவிழந்ததற்கு தமிழகத்தில் நடைபெறும் ஆன்மீக அரசியலே காரணம் என கூறியுள்ளார்.