பெட்ரோல், டீசல் விலை குறைகிறதா? புதிய தகவல்!

தமிழகம் உள்பட இந்தியா முழுவதும் பெட்ரோல் மற்றும் டீசல் விலை கடந்த மூன்று மாதங்களுக்கு மேலாக உயராமல் இருந்த நிலையில் விரைவில் பெட்ரோல் விலை குறையும் என கூறப்படுவதால் பொதுமக்கள் மத்தியில் மகிழ்ச்சி ஏற்பட்டுள்ளது.

ரஷ்யாவிடமிருந்து மூன்றரை மில்லியன் பேரல் கச்சா எண்ணெய் இந்தியா சலுகை விலையில் வாங்க உள்ளது. இதற்கான ஒப்பந்தம் இன்னும் ஓரிரு நாளில் கையெழுத்தாகும் என்று எதிர்பார்க்கப்படுகிறது

இந்த நிலையில் ரஷ்யாவில் இருந்து கச்சா எண்ணெய் இந்தியாவுக்கு வந்து விட்டால் பெட்ரோல் டீசல் விலை கணிசமாக குறையும் என்று எதிர்பார்க்கப்படுகிறது

இந்த நிலையில் சென்னையில் இன்று ஒரு லிட்டர் பெட்ரோல் விலை ரூபாய் 101.40 எனவும் சென்னையில் இன்று ஒரு லிட்டர் டீசல் விலை ரூபாய் 91.43 எனவும் விற்பனையாகி வருகிறது என்பது குறிப்பிடத்தக்கது.