சென்னையில் இன்றைய பெட்ரோல், டீசல் விலை நிலவரம்!

சென்னையில் கடந்த 45 நாட்களுக்கும் மேலாக பெட்ரோல் மற்றும் டீசல் விலை உயரவில்லை என்பது பார்த்து வருகிறோம். 

சர்வதேச சந்தையில் கச்சா எண்ணெயின் விலை குறைந்தாலும் இந்தியாவில் பெட்ரோல் டீசல் விலை குறைய வில்லை என்பதும் அதிருப்திக்கு உள்ளானதாக ஒன்றாக உள்ளது என்பது குறிப்பிடத்தக்கது

இந்த நிலையில் மேற்கு வங்கம், கோவா, உத்தரபிரதேசம் உள்ளிட்ட ஒருசில மாநிலங்களில் விரைவில் சட்டமன்ற தேர்தல் நடைபெற உள்ளதால் இப்போதைக்கு பெட்ரோல் மற்றும் டீசல் விலை உயராது என்பது ஆறுதலுக்குரிய ஒரு விஷயமாகும். 

இந்த நிலையில் சென்னையில் இன்றும் பெட்ரோல் மற்றும் டீசல் விலை உயரவில்லை என எண்ணெய் நிறுவனங்கள் அறிவித்துள்ளன.சென்னையில் இன்று ஒரு லிட்டர் டீசல் விலை ரூபாய் 91.43 எனவும் சென்னையில் இன்று ஒரு லிட்டர் பெட்ரோல் விலை ரூபாய் 101.40 எனவும் விற்பனையாகி வருகிறது என்பது குறிப்பிடத்தக்கது.