எடப்பாடி பழனிசாமி அதிமுகவில் இருந்து நீக்கம்: மதுரை போஸ்டரால் பரபரப்பு
எடப்பாடி பழனிச்சாமி உள்ளிட்ட ஒரு சிலர் அதிமுகவிலிருந்து நீக்கப்படுவதாக மதுரையைச் சேர்ந்த ஓ பன்னீர்செல்வம் ஆதரவாளர் போஸ்டர் ஒட்டி உள்ளதை அடுத்து பெரும் பரபரப்பை ஏற்படுத்தி உள்ளது
மதுரையை சேர்ந்த ஓ பன்னீர்செல்வம் ஆதரவாளர் இன்று மதுரையின் முக்கிய பகுதிகளில் பரபரப்பான போஸ்டர்களை ஒட்டியுள்ளார்.
அந்த போஸ்டரில் எடப்பாடி பழனிச்சாமி, கேபி முனுசாமி, ஜெயக்குமார், சிவி சண்முகம் ஆகியோர் நீக்கப்பட்டார்கள் என அறிவிக்கப்பட்டுள்ளது
அதிமுகவிற்கு களங்கம் விளைவிக்கும் செயல்களில் ஈடுபட்டதால் மேற்கண்ட நான்கு பேரும் நீக்கம் செய்யப்படுவதாக மிசா செந்தில் போஸ்டர் ஒட்டி உள்ளதால் பெரும் பரபரப்பு ஏற்பட்டுள்ளது
மேலும் அதிமுகவில் இருந்து நீக்கப்பட்ட நால்வரிடமும் அதிமுக கழகத் தோழர்கள் எந்தவித தொடர்பும் வைத்துக் கொள்ளக் கூடாது என்றும் அந்த போஸ்டரில் குறிப்பிடப்பட்டுள்ளது