இன்று பாரத பிரதமர் நரேந்திர மோடியை தமிழக முதல்வர் மு.க.ஸ்டாலின் சந்திக்கும் நிலையில் அதுகுறித்த ஹேஷ்டேகுகள் டிவிட்டர் உள்ளிட்ட சமூக வலைதளங்களில் வைரலாகியுள்ளன.
தமிழக முதல்வர் மு.க.ஸ்டாலின் இன்று பிரதமர் மோடியை சந்தித்து தமிழகத்தின் தேவைகளை வலியுறுத்துவதற்காக டெல்லி புறப்பட்டுள்ளார். அங்கு அவர் தமிழகத்திற்கு தேவையான தடுப்பூசிகள் மற்றும் கருப்பு பூஞ்சை நோய்க்கான மருந்துகள் பெறுவதற்கு அவர் பேச்சுவார்த்தை நடத்துவார் என்றும், ஹைட்ரோ கார்பன் திட்டம், செங்கல்பட்டு தடுப்பூசி ஆலையை தமிழக அரசு ஏற்று நடத்துவது, நீட் தேர்வு உள்ளிட்ட பிரச்சினைகள் குறித்து பிரதமரிடம் முதல்வர் முக ஸ்டாலின் பேச உள்ளார் என்பது குறிப்பிடத்தக்கது.
முன்னதாக பிரதமர் மோடி தமிழகம் வந்தபோதெல்லாம் திமுக மற்றும் தோழமை கட்சிகள் கோ பேக் மோடி என்ற ஹேஷ்டேகை தொடர்ந்து ட்ரெண்ட் செய்து வந்தனர். இந்நிலையில் தற்போது பிரதமரை சந்திக்க மு.க.ஸ்டாலின் டெல்லி சென்றுள்ள நிலையில் #StalinGoBacktoModi என்ற ஹேஷ்டேகை பலர் சமூக வலைதளங்களில் ட்ரெண்ட் செய்து வருகின்றனர்.