நகர்ப்புற உள்ளாட்சி தேர்தல்: திமுக மாவட்ட செயலாளர்களுடன் ஆலோசனை!

தமிழகத்தில் சமீபத்தில் ஊரக உள்ளாட்சி தேர்தல் நடைபெற்றது என்பதும் இந்த தேர்தலில் திமுக அமோக வெற்றி பெற்றது என்பதும் தெரிந்ததே. 

இந்த நிலையில் இன்னும் ஒரு சில மாதங்களில் தமிழகத்தில் நகர்ப்புற உள்ளாட்சி தேர்தல் நடைபெற உள்ளது என்பதும் குறிப்பாக அனைத்து மாநகராட்சிகளின் மேயர் தேர்தல் நடைபெற உள்ளது என்பது குறிப்பிடத்தக்கது. 

இந்த நிலையில் நகர்ப்புற உள்ளாட்சி தேர்தலை சந்திப்பது எப்படி என்பது குறித்தும் அதற்கான பணிகள் செய்வது எப்படி என்பது குறித்து ஆலோசிக்க இன்று திமுக மாவட்ட செயலாளர்கள் மற்றும் நாடாளுமன்ற சட்டமன்ற உறுப்பினர் கூட்டம் நடைபெறும் என அறிவிக்கப்பட்டிருந்தது 

அந்த வகையில் சற்று முன்னர் இந்த கூட்டம் சென்னை அண்ணா அறிவாலயத்தில் உள்ள கலைஞர் அரங்கில் தொடங்கியுள்ளது. முதலமைச்சர் முக ஸ்டாலின் தலைமையில் நடைபெறும் இந்த கூட்டத்தில் நகர்ப்புற உள்ளாட்சி தேர்தல் குறித்து ஆலோசனை செய்யப்பட்டு வருகிறது என்பது குறிப்பிடத்தக்கது.