தேர்தல் வாக்குறுதிகளை நிறைவேற்றிய ஒரே முதல்வர் எங்கள் முதல்வர் தான்: அமைச்சர் ரோஜா

இந்தியாவிலேயே தேர்தல் வாக்குறுதிகளை முழுவதுமாக நிறைவேற்றிய ஒரே முதல்வர் எங்கள் ஆந்திர மாநில முதலமைச்சர் ஜெகன்மோகன் ரெட்டி தான் என ஆந்திர மாநில அமைச்சர் நடிகை ரோஜா தெரிவித்துள்ளார் 

இன்று காஞ்சிபுரம் காமாட்சி கோவிலில் தரிசனம் செய்த அவர் செய்தியாளர்களிடம் பேசினார். அப்போது மக்களுக்கு தொடர்ந்து சேவை செய்ய தேவையான உடல் பலம் சக்தி கொடுக்க வேண்டும் என காஞ்சிபுரம் காமாட்சி அம்மனிடம் வேண்டிக் கொண்டேன் என்று தெரிவித்தார். 

மேலும் தேர்தல் வாக்குறுதிகள் அனைத்தையும் நிறைவேற்றிய ஒரே முதல்வர் ஜெகன்மோகன் ரெட்டி தான் என்றும் மாநிலத்தில் எந்த பேரிடர் இழப்புகள் வந்தாலும் அதற்கு முழு பொறுப்பு மாநில அரசே பொறுப்பு ஏற்க வேண்டும் என்றுமே தவிர மத்திய அரசை குற்றம் சொல்லக்கூடாது என்று அவர் தெரிவித்தார்.  

மேலும் ஆந்திராவிலும் பவன் கல்யாணுக்கு டெபாசிட் கூட கிடைக்காது என்றும் சந்திரபாபு நாயுடுவை மக்கள் துரத்தி விடுவார்கள் என்றும் கேள்வி ஒன்றுக்கு பதில் அளித்தார் 

Edited by Mahendran