மெட்ரோ ரயில் கட்டண விவரங்கள் அறிவிக்கப்பட்டுள்ளன. அதன்படி கோயம்பேட்டில் இருந்து ஆலந்தூர் செல்ல ரூ. 40 கட்டணம் நிர்ணயிக்கப்பட்டுள்ளது.
மெட்ரோ ரயில் கட்டணம் இன்று அதிகாரப்பூர்வமாக அறிவிக்கப்பட்டுள்ளது.
அதன் விவரம் வருமாறு:–
மெட்ரோ ரயிலின் குறைந்தபட்ச கட்டணமாக 10 ரூபாயும் அதிகபட்ச கட்டணமாக 40 ரூபாயும் நிர்ணயிக்கப்பட்டுள்ளது. ஆலந்தூரில் இருந்து ஈக்காட்டுத்தாங்கலுக்கு ரூ. 10 கட்டணம் நிர்ணயிக்கப்பட்டுள்ளது.
ஆலந்தூரில் இருந்து அசோக் நகருக்கு ரூ. 20, ஆலந்தூரில் இருந்து வடபழனிக்கு ரூ. 30, ஆலந்தூரில் இருந்து அரும்பாக்கம், சி.எம்.பி.டி, கோயம்பேடு ஆகிய இடங்களுக்கு 40 ரூபாய் கட்டணம் வசூலிக்கப்படும். சிறப்பு வகுப்புக்கான கட்டணம் 2 மடங்கு ஆகும்.
ஆலந்தூரில் இருந்து கோயம்பேடுக்கு ஏ.சி.பஸ்சில் பயணம் செய்ய ரூ. 45 வசூலிக்கப்படுகிறது. மெட்ரோ ரயில் கட்டணம் அதை விட ரூ. 5 குறைவு என்பது குறிப்பிடத்தக்கது.