மதுரை எய்ம்ஸ் மருத்துவமனைக்கான பணியிடங்களுக்கு விண்ணப்பங்கள் வரவேற்கப்படுவதாக அறிவிக்கப்பட்டுள்ளது.
மதுரையில் எய்ம்ஸ் மருத்துவக் கல்லூரி கட்டப்பட்டு வருவதாக கூறப்படும் நிலையில் இந்த கல்லூரிக்கு பதிவாளர் உள்பட பல்வேறு பணியிடங்களை நிரப்புவதற்கான விண்ணப்பங்கள் வரவேற்கப்படுகின்றன.
தகுதி வாய்ந்த விண்ணப்பதாரர்கள் ஜூலை 24 ஆம் தேதி மாலை 4 மணிக்குள் விண்ணப்பங்களை அனுப்பலாம் என அறிவிக்கப்பட்டுள்ளது. பதிவாளர், அக்கவுண்ட் அலுவலர், எக்ஸிகியூட்டிவ் அசிஸ்டெண்ட், பெர்சனல் அசிஸ்டெண்ட், டிவிசன் கிளர்க் உட்பட பல்வேறு பதவிகளுக்கான விண்ணப்பங்கள் வரவேற்கப்பட உள்ளதாக அறிவிக்கப்பட்டுள்ளது.
தேர்வு செய்யப்படும் பணியாளர்கள் ராமநாதபுரம் மற்றும் மதுரை எய்ம்ஸ் மருத்துவ கல்லூரியில் பணியாமத்தப்படுவார்கள் என்று அறிவிக்கப்பட்டுள்ளது. மதுரை எய்ம்ஸ் கல்லூரியின் பதிவாளருக்கு 78 ஆயிரம் முதல் 2 லட்சத்து 10 ஆயிரம் வரை சம்பளம் நிர்ணயிக்கப்பட்டுள்ளதாக அறிவிக்கப்பட்டுள்ளது.