உடல்நலக்குறைவால் பாதிக்கப்பட்டிருக்கும் திமுக தலைவர் கலைஞர் கருணாநிதிதி எமனையே ஜெயித்து மீண்டு வருவார் என மதிமுக பொதுச்செயலாளர் வைகோ கூறியிருக்கிறார்.
திமுக தலைவர் கருணாநிதியின் உடல் நிலையில் சற்று நலிவு ஏற்பட்டதால் கடந்த இரண்டு நாட்களாக அவருக்கு காவேரி மருத்துவமனையில் தீவிர சிகிச்சை அளிக்கப்பட்டு வருகிறது. அந்நிலையில், நேற்று இரவு அவரது உடல்நிலை மீண்டும் மோசமடைந்தது.
ஆனால், மருத்துவர்களின் தீவிர சிகிச்சை காரணமாக அவரது உடல் நிலை சீரானது என இரவு 11 மணிக்கு காவேரி மருத்துவமனை நிர்வாகம் அறிக்கை வெளியிட்டது.
இதற்கிடையே இன்று கருணாநிதியை முதல்வர் எடப்பாடி பழனிசாமி, துணைமுதல்வர் ஓ.பன்னீர் செல்வம் ஆகியோர் நேரில் சந்தித்து நலம் விசாரித்தனர்.
இந்நிலையில் மதிமுக பொதுச்செயலாளர் வைகோ பேசுகையில் விரைவில் கலைஞர் நலம் பெறுவார் என்றும் அவர் நூறாண்டு காலம் வாழ்வார் என்றும் தெரிவித்தார். மேலும் கலைஞர் எமனையே ஜெயித்து மீண்டு வருவார் என தெரிவித்திருக்கிறார்.