சட்டசபை தேர்தலில் போட்டியிட மாட்டேன் என தமிழ்நாடு காங்கிரஸ் கட்சி தலைவர் ஈ.வி.கே.எஸ். இளங்கோவன் அறிவித்துள்ளார்.
அகில இந்திய காங்கிரஸ் கட்சி துணைத்தலைவர் ராகுல் காந்தியுடன் தமிழ்நாடு சட்டசபை தேர்தல் நிலவரம் குறித்து ஆலோசனை நடத்துவதற்காக ஈ.வி.கே.எஸ். இளங்கோவன் டெல்லி சென்றிருந்தார்.
இன்று சென்னை திரும்பிய அவர் மீனம்பாக்கம் விமான நிலையத்தில் செய்தியாளர்களுக்கு பேட்டியளித்தார்.
அப்போது அவர் கூறுகையில், "விரைவில் நடைபெறவுள்ள தமிழ்நாடு சட்டசபை தேர்தலில் நான் போட்டியிடப் போவதில்லை. போட்டியிடும் காங்கிரஸ் கட்சி வேட்பாளர்களின் வெற்றிக்காக தீவிரமாக பிரசாரம் செய்வேன்" என்றார்.
இந்த தேர்தலில் காங்கிரஸ் கட்சி யாருடன் கூட்டணி அமைக்கும்? என்ற கேள்விக்கு பதிலளித்த இளங்கோவன் அதுதொடர்பாக டெல்லி தலைமை முடிவு செய்யும் என தெரிவித்தார்.