11 மாவட்டங்களில் இன்று கனமழை: சென்னை வானிலை ஆய்வு மையம்

11 மாவட்டங்களில் இன்று கனமழை பெய்ய வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. 

அக்னி நட்சத்திர வெயில் முடிந்த பின்னரும் தற்போதும் வெயில் அதிகமாக கொளுத்தி வருகிறது என்பதும் பத்துக்கும் மேற்பட்ட நகரங்களில் 100 டிகிரிக்கும் அதிகமான வெயில் அடித்து வருகிறது என்பதையும் பார்த்து வருகிறோம். 

இருப்பினும் அவ்வப்போது தமிழகத்தின் சில பகுதிகளில் மிதமான மழை முதல் கனமழை வரை பெய்து பூமியின் வெப்பத்தை குளிர்வித்து வருகிறது என்பதும் இதனால் பொதுமக்கள் சற்று நிம்மதி அடைந்துள்ளனர் என்பதும் குறிப்பிடத்தக்கது. 

இந்த நிலையில் சற்றுமுன் சென்னை வானிலை ஆய்வு மையம் வெளியிட்டுள்ள தகவலில் தமிழகத்தில் 11 மாவட்டங்களில் மிதமான மழை முதல் கனமழை வரையும் என்று தெரிவித்துள்ளது. அந்த 11 மாவட்டங்கள் இதோ நீலகிரி, கோவை, திருப்பூர், தேனி, திண்டுக்கல், கரூர், நாமக்கல், திருச்சி, சேலம், கள்ளக்குறிச்சி மற்றும் திருவண்ணாமலை

Edited by Siva