அடுத்த 3 மணி நேரத்தில் எத்தனை மாவட்டங்களில் கனமழை.. சென்னை வானிலை ஆய்வு மையம் தகவல்

ஒரு பக்கம் அக்னி நட்சத்திர வெயில் சில மாவட்டங்களில் கொளுத்தி கொண்டு இருந்தாலும் இன்னொரு பக்கம் கோடை மழை பெய்து வருகிறது என்பதும் தினந்தோறும் பல மாவட்டங்களில் மிதமான மழை முதல் கனமழை வரை பெய்து வருகிறது என்பதை பார்த்து வருகிறோம்.

அந்த வகையில் சென்னை வானிலை ஆய்வு மையம் சற்றுமுன் வெளியிட்டுள்ள அறிவிப்பில் இன்னும் மூன்று மணி நேரத்தில் தமிழகத்தில் உள்ள ஒன்பது மாவட்டங்களில் மழை பெய்யும் என்று அறிவித்துள்ளது. இதனால் பொதுமக்கள் மகிழ்ச்சி அடைந்துள்ளனர்.

குறிப்பாக தூத்துக்குடி, ராமநாதபுரம், புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை, கடலூர், செங்கல்பட்டு ஆகிய பகுதிகளில் மிதமான மழை முதல் கனமழை பெய்யும் என்றும் சில இடங்களில் இடி மின்னலுடன் கூடிய மழை பெய்ய வாய்ப்பு இருப்பதாகவும் வானிலை ஆய்வு மையம் தெரிவித்துள்ளது

மேலும் புதுச்சேரி மற்றும் காரைக்கால் பகுதிகளிலும் லேசான மழை பெய்யும் என்றும் தெரிவிக்கப்பட்டுள்ளது.கோடை வெயில் நேரத்தில் தொடர்ச்சியாக மழை பெய்து வருவது பொது மக்களுக்கு மகிழ்ச்சியாக உள்ளது என்றும் கோடையின் தாக்கமே கடந்த சில நாட்களாக தெரியவில்லை என்று மக்கள் மகிழ்ச்சியாக தெரிவித்து வருகின்றனர் என்பதும் குறிப்பிடத்தக்கது..

Edited by Siva