மதுரை ரெயில் நிலையத்தில் பயணிகள் பயன்பெற இலவச வைபை வசதி அறிமுகம் செய்யப்பட்டுள்ளது.
மதுரை சந்திப்பு ரெயில் நிலையத்தில் இலவச வைபை இண்டர்நெட் சேவை அறிமுகப்படுத்தப்பட்டுள்ளது.
இதன் மூலம் மதுரை ரெயில் நிலையத்துக்கு வரும் பயணிகள் ரெயில்களின் வருகை, தற்போது ரெயில் வரும் நிலையம், ரெயில்களில் படுக்கை, இருக்கை வசதி, கட்டணம், தூரம் ஆகியவற்றை இந்த வைபை மூலம் தங்களது செல்போனில் இலவசமாக தெரிந்து கொள்ளலாம்.
சென்னை, மும்பை, புதுடெல்லி போன்ற முக்கிய ரெயில் நிலையங்களில் மட்டுமே ஏற்படுத்தப்பட்டிருந்த இந்த வைபை வசதி தற்போது மதுரை சந்திப்பு ரெயில் நிலையத்திலும் ஏற்படுத்தப்பட்டுள்ளது.
அரைமணி நேரத்திற்கு மேல் பயன்படுத்தினால் அதற்கு கட்டணம் பிடித்தம் செய்யப்படும். இந்த வசதி ரெயில் நிலைய வளாக பகுதியில் மட்டுமே கிடைக்கிறது.
