’பணம் எரிந்தது’ - சென்னை எல்.ஐ.சி கிளை அலுவலகத்தில் 'தீ'

சென்னை அண்ணாசலையில் உள்ள வணிக வளாக கட்டிடத்தின் இரண்டாவது தளத்தில் எல்.ஐ.சி., கிளை அலுவலகம் இருகிறது.

இந்நிலையில், அந்த அலுவலகத்தில் நேற்றிரவு திடீரென தீ விபத்து ஏற்பட்டுள்ளது. இது குறித்து, தீயணைப்பு வீரர்களுக்கு தகவல் தெரிவிக்கப்பட்டது. இதனையடுத்து மூன்று தீயணைப்பு வாகனங்களில் விரைந்து வந்த தீயணைப்பு வீரர்கள் சுமார் ஒரு மணி நேரம் போராடி தீயை அணைத்தனர்.

இந்த விபத்தில் எல்.ஐ.சி வசூல் பணம் ரூ.10 லட்சம் தீயில் கருகியதாகவும், கணிணி உள்ளிட்ட பிற பொருட்களும் தீயில் எரிந்து சாம்பலாகியதாகவும் கூறப்படுகிறது.

மேலும், இந்த விபத்திற்கான காரணம், அந்த அலுலகத்தில் உள்ள இன்வர்டரில் ஏற்பட்ட மின்கசிவு தான் என கண்டுபிடிக்கப்பட்டுள்ளது.