ஈரோடு கிழக்கு தொகுதி இடைத்தேர்தலில் ஈவிகேஎஸ் இளங்கோவனுக்கு ஆதரவு என கமல்ஹாசன் அதிகாரப்பூர்வமாக அறிவித்துள்ளார்.
இன்று செய்தியாளர்களை சந்தித்த கமல்ஹாசன் திமுக கூட்டணியில் போட்டியிடும் காங்கிரஸ் வேட்பாளர் ஈவிகேஎஸ் இளங்கோவனுக்கு ஆதரவு என்று தெரிவித்துள்ளார்.
முன்னதாக ஈரோடு கிழக்கு தொகுதியில் காங்கிரஸ் வேட்பாளராக போட்டியிடும் இளங்கோவன் மக்கள் நீதி மையம் கட்சியின் தலைவர் கமல்ஹாசனை சந்தித்து ஆதரவு கேட்டார் என்பது தெரிந்தது.
அதுமட்டுமின்றி கடந்து சில நாட்களுக்கு முன்னர் ராகுல் காந்தியின் ஒற்றுமை பாதயாத்திரையிலும் கமல்ஹாசன் கலந்து கொண்டதை எடுத்து அவர் காங்கிரசோடு நெருங்கி விட்டதாகவே கூறப்படுகிறது.
இந்த நிலையில் ஈரோடு கிழக்கு தொகுதி இடைத்தேர்தலில் ஈவிகேஎஸ் இளங்கோவனுக்கு மக்கள் நீதி மையம் நிபந்தனையற்ற ஆதரவு தெரிவித்துள்ளதாக கமலஹாசன் தெரிவித்துள்ளார்.