நாய்க்கும் பூனைக்கும் என்றுமே எழாம் பொறுத்தமே. அப்படிருக்க திருச்சி அருகே நாய் ஒன்று பூனைக்கு பாலூட்டி வளர்த்து வருகிறது.
திருச்சி மாவட்டம் ஊத்துக்குழியைச் சேர்ந்தவர் சுப்ரமணி. செல்லப்பிராணிகள் வளர்ப்பதில் ஆர்வம் கொண்ட இவர் தனது வீட்டில் 5 நாய்கள் வளர்த்து வருகிறார். மேலும் கடந்த 6 மாதங்களுக்கு முன்பு ஒரு குட்டிப் பூனையை எடுத்து வளர்த்தார். ஆனால் அந்த பூனை பால் குடிக்க சிரமப்பட்டுவந்தது
இந்தநிலையில் அவர் வீட்டில் வளர்த்த நாய்களில் ஒன்று குட்டி போட்டது. திடீரென ஒருநாள் பூனைக்குட்டி நாயிடம் பால் குடிக்கச் சென்றது. அதனைக் கண்ட நாய் பூனையை பால் குடிக்க அனுமதித்தது. கடந்த 5 மாதங்களாக அந்த பூனைக்கு நாய் பால் கொடுத்து வருகிறது. நாளடைவில் அந்த பூனையை அதிக கவனத்துடன் பார்த்துவருகிறதாம் அந்த பாலூட்டும் நாய். இதனைக் கண்ட அக்கம்பக்கத்தினர் நேரில் வந்து நாய் மற்றும் பூனையை பார்த்துசெல்கின்றனர்.
