2 ஆண்டுகளில் திமுக சாதித்தது என்ன? – 3 நாள் விளக்க பொதுக்கூட்டம்!

தமிழகத்தில் திமுக ஆட்சியமைத்து 2 ஆண்டுகள் ஆகிவிட்ட நிலையில் இதுவரை திமுக செய்த சாதனைகளை விளக்க பொதுக்கூட்டமாக நடத்த திட்டமிடப்பட்டுள்ளது.

தமிழ்நாட்டில் கடந்த 2021ல் நடந்த சட்டமன்ற தேர்தலில் வெற்றி பெற்ற திமுக மே மாதத்தில் ஆட்சியமைத்தது. இந்த மே மாதத்துடன் திமுக ஆட்சி அமைத்து 2 ஆண்டுகள் முடிந்துள்ளது. இந்த 2 ஆண்டுகளில் திமுக அரசு செயல்படுத்திய திட்டங்கள், சாதனைகளை மக்களுக்கு கொண்டு செல்லும் வகையில் திமுக கட்சி சார்பில் விளக்க பொதுக்கூட்டங்கள் நடத்த திட்டமிடப்பட்டுள்ளது.

இந்த திராவிட மாடல் அரசின் 2 ஆண்டு கால சாதனை விளக்க பொதுக்கூட்டம் வரும் மே 7, 8 மற்றும் 9 ஆகிய தேதிகளில் தமிழ்நாட்டின் அனைத்து மாவட்டங்களிலும் முக்கியமான பகுதிகளில் நடைபெற உள்ளது. பொதுக்கூட்டம் நடைபெறும் இடங்கள் குறித்த அறிவிப்பு விரைவில் வெளியாகும் என தெரிவிக்கப்பட்டுள்ளது.

Edit by Prasanth.K