கூட்டணி கட்சிகளுக்கு ஆட்சியில் பங்கு கொடுத்தால் மகிழ்ச்சி: திருநாவுக்கரசர்

ஆட்சி நடத்தும் அரசியல் கட்சிகள், கூட்டணி கட்சிகளுக்கு ஆட்சி அதிகாரத்தை பகிர்ந்து கொடுத்தால் மகிழ்ச்சி அடைவார்கள் என காங்கிரஸ் கட்சியின் திருநாவுக்கரசு கூறியிருப்பது பரபரப்பை ஏற்படுத்தியுள்ளது.

நடிகர் விஜய் தனது தமிழக மக்கள் வெற்றிக்கழக மாநாட்டில் பேசியபோது, தாங்கள் ஆட்சிக்கு வந்தால் கூட்டணி கட்சியினருக்கு அமைச்சரவையில் இடம் தருவோம் என்று கூறியிருந்தார்; அது பெரும் பரபரப்பை ஏற்படுத்தியது. “ஆட்சி அதிகாரத்தில் பங்கு வேண்டும்” என்று கூறிய திருமாவளவனின் கடுமையான விமர்சனம், விஜயை எதிர்த்தது ஆச்சரியத்தை ஏற்படுத்தியது.

இந்த நிலையில், தேவர் ஜெயந்தியை முன்னிட்டு, மதுரை கோரிப்பாளையத்தில் உள்ள தேவர் சிலைக்கு மாலை அணிவித்த காங்கிரஸ் பிரமுகர் திருநாவுக்கரசு, அதன் பின் செய்தியாளர்களிடம் பேசினார். அப்போது, “விஜய் நல்ல நடிகர், அதிக சம்பளம் வாங்குபவர்; அவர் அரசியலுக்கு வந்து மாநாட்டையும் நடத்தியதற்கு எனது வாழ்த்துக்கள்,” என்று கூறினார்.

“விஜய் கூறிய கூட்டணி மற்றும் ஆட்சியில் பங்கு என்ற கோஷம் மகிழ்ச்சி அளிக்கக்கூடியது. அரசியல் கட்சியை நடத்துபவர்கள், அதன் கூட்டணியில் உள்ள கட்சிகளுக்கு ஆட்சியில் பங்கு கொடுத்தால், அவர்கள் மகிழ்ச்சி அடைவார்கள்; அந்த அதிகார பங்கை வைத்து மக்களுக்கு சிறந்த முறையில் சேவை செய்ய முடியும்.

Edited by Siva