சென்னையில் இன்று 104 டிகிரி வெயில் பதிவாகியுள்ளதை அடுத்து மீண்டும் அக்னி நட்சத்திர வெப்பம் அதிகரித்துள்ளது தெரிய வருகிறது
அசானி புயல் காரணமாக கடந்த சில நாட்களாக சென்னை உள்பட தமிழகத்தின் பல பகுதிகளில் மழை பெய்தது இதனால் வெயிலின் தாக்கம் இல்லாமல் பொதுமக்கள் நிம்மதி அடைந்தனர்
இந்த நிலையில் இன்று மீண்டும் சென்னை மீனம்பாக்கத்தில் 104 டிகிரி வெப்பம் பதிவாகியுள்ளது. சென்னை நுங்கம்பாகத்தில் 102 டிகிரியும் கடலூரில் 102 டிகிரியும் பதிவாகி உள்ளது
இதனை அடுத்து அக்னி நட்சத்திரம் மீண்டும் தன் வேலையை காட்ட தொடங்கியுள்ளதாக கூறப்படுகிறது. அக்னி நட்சத்திரம் வெயில் வரும் 28ஆம் தேதி வரை இருப்பதால் அதுவரை குழந்தைகள் மற்றும் முதியவர்கள் கவனமாக இருக்க வேண்டும் என அறிவுறுத்தப்பட்டுள்ளது