அதிமுக சார்பில் நடிகர் செந்தில் கலந்துகொண்ட கூட்டத்தில் நடிகை நமீதாவை கேட்டு அதிமுக தொண்டர்கள் ஆவேசம் அடைந்ததால் அங்கு பரபரப்பு ஏற்பட்டது.
சமீபத்தில் நடிகை நமீதா தமிழக முதலமைச்சர் ஜெயலலிதா முன்னிலையில் தன்னை அதிமுகவில் இணைத்துக் கொண்டார். இந்நிலையில், திருப்பூரில் ஞாயிறன்று அதிமுக சார்பில் நடிகர் செந்தில் பங்கேற்ற பிரச்சாரம் நடைபெற்றது.
அப்போது அங்கிருந்த அதிமுக தொண்டர்கள் கோபாவேசமாக அப்பகுதி கவுன்சிலர் நிஜாமுதீனிடம் வாக்குவாதம் செய்து கொண்டிருந்தனர். அருகில் சென்று என்ன நடக்கிறது என்று கவனித்தபோதுதான் விசயம் தெரிந்தது.
அந்த தொண்டர்கள், நடிகை நமீதா வருவதாகச் சொல்லித்தானே எங்களை அழைத்து வந்தீர்கள்! ஆனால் இவரைக் கூட்டி வந்திருக்கிறீர்கள் என்று கேட்டனர்.
அதற்கு பதிலளித்த கவுன்சிலர் நிஜாமுதீன், பொறுங்கள். இப்போதுதானே நமீதா கட்சியில் சேர்ந்திருக்கிறார். நிச்சயம் அழைத்து வர ஏற்பாடு செய்கிறேன் என்று கூறியுள்ளார். பின்னர் அவர்கள் சமாதானம் அடைந்துள்ளனர்.