அதிமுக தேர்தல் அறிக்கை: செல்போன், மடிகணினி, மின்சாரம் இலவசம்

அதிமுக பொதுச்செயலாளர் ஜெயலலிதா ஈரோடு மாவட்டம் பெருந்துறையில் அதிமுக தேர்தல் அறிக்கையை இன்று வெளியிட்டார். இதன் முதல் பிரதியை தம்பிதுரை பெற்றார். இதில் பல இலவச அறிவிப்புகளையும், அதிரடி கவர்ச்சியான திட்டங்களையும் அறிவித்துள்ளனர்.

தேர்தல் அறிக்கையின் முக்கிய தகவல்கள்:-

* மகளிருக்கு ஓட்டுநர் பயிற்சி அளிக்கப்பட்டு ஆட்டோக்கள் வாங்க மானியம் வழங்கப்படும்.

* லோக் ஆயுக்தா அமைக்கப்படும்.

* முல்லைப்பெரியார் அனையின் நீர்மட்டம் 152அடியாக உயர்த்தப்படும்.

* தாதுமணல் விற்பனையை அரசே ஏற்கும்.

* தொடக்கப்பள்ளி மாணவர்களுக்கு சத்துணவில் இனி காலை சிற்றுண்டியும் வழங்கப்படும்.

* மகளிருக்கு ஸ்கூட்டர் வாங்க 50% மானியம் வழங்கப்படும்.

* வழக்கறிஞர் சேமநல நிதி 7 லட்சமாக உயர்த்தப்படும்.

* தாலிக்கு தங்கம் இனி 4 கிராமிலிருந்து ஒரு சவரனாக வழங்கப்படும்.

* குடும்ப அட்டை தாரர்கள் அனைவருக்கும் இலவச செல்போன்.

* புதிய கிரானைட் கொள்கை வகுக்கப்படும்.

* கேபிள்டிவி செட்டாப் பாக்ஸ் இலவசம்

* மடிக்கணினியுடன் கட்டணமில்லா இணைய வசதி வழங்கப்படும்.

* விவசாயிகளுக்கு முழுவட்டி மானியம் தொடர்ந்து வழங்கப்படும்.

* மகப்பேறு உதவித்தொகை ரூ. 18,000 ஆக உயர்த்தப்படும்.

* குடும்பத்தில் ஒருவருக்கு அரசு வேலை வழங்கப்படும்.

* பொங்கல் திருநாளுக்கு கோ-ஆப்டெக்ஸில் துணி வாங்க ரூ.500 கூப்பன் வழங்கப்படும்.

* 100 யூனிட் மின்சாரத்திற்கு கட்டணமில்லை.

* மீனவர்களை பழங்குடியினர் பட்டியலில் சேர்க்க நடவடிக்கை எடுக்கப்படும்.

* 2016-2021 காலக்கட்டங்களில் 40000கோடி வரை பயிர்கடன்கள் வழங்கப்படும்.

* அத்திக்கடவு அவினாசி திட்டம் செயல்படுத்தப்படும்.

* தமிழ்நாட்டில் சில்லறை வியாபாரத்தில் அந்நிய முதலீட்டை அனுமதிக்கமாட்டோம்.

* விவசாயிகளின் கடன் முழுவதும் ரத்து செய்யப்படும்.

* சார் பதிவாளர் அலுவலகத்தில் பத்திரபதிவு எளிமையாக்கப்படும்.

* மீனவர் நிவாரண தொகை ரூ.5000-ஆக உயர்த்தப்படும்.

* மீனவர்களுக்கு தனி வீடு கட்டும் திட்டம்.

* காவேரி நடுவர்மன்ற இறுதி தீர்ப்பை நடைமுறைப்படுத்த நடவடிக்கை எடுக்கப்படும்.

* மகப்பேறு உதவிதொகை ரூ.18000-ஆக உயர்த்தப்படும்.

* உள்நாட்டின் மீன் உற்பத்திக்கு அதிக முக்கியத்துவம்

* மின்பதன பூங்காக்கள் அமைக்க தொடரந்து நடவடிக்கை எடுக்கப்படும்

* புதிய சாலைகள் அமைக்கப்படும். சாலைகள் விரிவாக்கம் செய்யப்படும்.

* பள்ளிக்கல்வி மேம்படுத்தப்படும்

* ஏழை, எளிய மக்களுக்கு அரசின் அனைத்து சேவைகளையும் பெறுவதற்காக அம்மா பேங்கிங் கார்டு.

* சிறுவர், சிறுமியருக்கு வைட்டமின் சி மாத்திரை.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்