அதிமுக+பாஜக+பாமக: மெகா கூட்டணியில் மற்றொரு கட்சி

அதிமுக கூட்டணியில் தமிழ் மாநில காங்கிரஸ் உள்ளிட்ட பல கட்சிகள் இன்னும் இணையப் போகிறது என அதிமுக செய்தி தொடர்பாளர் வைகை செல்வன் கூறியுள்ளார்.

இனி திராவிடக் கட்சிகளோடு கூட்டணியே இல்லை என்று வீரவசனம் பேசி, மக்களை முட்டாளாக்கிய பாமக தற்பொழுது தனது கோட்பாடுகளை மீறி நாடாளுமன்றத் தேர்தலுக்காக 7 சீட்டுகளை பெற்றுக் கொண்டு அதிமுக மற்றும் பாஜக வோடுக் கூட்டணி அமைத்துள்ளது. பாஜகவிற்கு 5 இடம் கிடைத்துள்ளது. இதனால் கடுப்பான நெட்டிசன்கள் மற்றும் பாமகவை சேர்ந்த பலர் பாமக தலைமையை கண்டமேனிக்கு விமர்சனம் செய்து வருகின்றனர். இதற்கிடையே தேமுதிகவுடனான பேச்சுவார்த்தை இழுபறியில் உள்ளது. 

இந்நிலையில் செய்தியாளர்களை சந்தித்த அதிமுக செய்தி தொடர்பாளர் வைகை செல்வன், கூட்டணி குறித்து தமிழ் மாநில காங்கிரஸுடன் பேச்சு வார்த்தை நடத்தி வருவதாகவும், சுமூகமான முடிவு எட்ட வாய்ப்பிருப்பதாகவும் கூறினார். மேலும்  பல கட்சிகள் இந்த மெகா கூட்டணியில் இணைய போகிறது எனவும் அவர் கூறினார்.