அப்துல்கலாம் சகோதரர் மறைவு: துணை முதல்வர் ஓபிஎஸ் இரங்கல்!

அப்துல்கலாம் சகோதரர் மறைவு: துணை முதல்வர் ஓபிஎஸ் இரங்கல்!

முன்னாள் குடியரசு தலைவர் டாக்டர் அப்துல்கலாம் அவர்களின் மூத்த சகோதரர் மீரான் லெப்பை மரைக்காயர் என்பவர் ராமேஸ்வரத்தில் இன்று உயிரிழந்தார். அவருக்கு வயது 104 

வயது மூப்பு காரணமாக அவர் உயிரிழந்ததாக அவரது குடும்பத்தினர் தெரிவித்துள்ளனர். முன்னாள் ஜனாதிபதி அப்துல்கலாமின் மூத்த சகோதரர் மறைவை அடுத்து பல்வேறு அரசியல் தலைவர்கள் அவரது குடும்பத்திற்கு இரங்கல் தெரிவித்து வருகின்றனர். அந்த வகையில் துணை முதல்வர் ஓ பன்னீர்செல்வம் அவர்கள் தனது டுவிட்டரில் கூறியிருப்பதாவது:

மேதகு முன்னாள் குடியரசுத்தலைவர் Dr.ஏ.பி.ஜே.அப்துல்கலாம் அவர்களின் அன்புச்சகோதரர் திரு.மீரான் லெப்பை மரைக்காயர் அவர்கள் மறைவெய்திய செய்தியறிந்து வேதனை அடைந்தேன். அன்னாரை இழந்துவாடும் அவரது குடும்பத்தாருக்கு எனது ஆழ்ந்த இரங்கலை தெரிவித்து, அவரது ஆன்மா சாந்தியடைய பிரார்த்திக்கிறேன்.