கல்லூரி மாணவர்கள் கத்தியால் குத்தி போட்ட சண்டை.. கோவையில் அதிர்ச்சி..!

கல்லூரி மாணவர்கள் ஒருவரை ஒருவர் கத்தியால் குத்தி சண்டை போட்ட சம்பவம் பெரும் அதிர்ச்சியை ஏற்படுத்தியுள்ளது.

கோவை சேர்ந்த கல்லூரி மாணவர் ராகுல், இன்னொரு மாணவரான ராகுல் காந்தியுடன் மோதல் ஏற்பட்டதாகவும், சீனியர்-ஜூனியர் என்ற பிரச்சனை காரணமாக இந்த மோதல் அவர்களுக்குள் அவ்வப்போது பெரும் சண்டையை ஏற்படுத்தி வந்ததாகவும் கூறப்படுகிறது.

இந்த நிலையில், நேற்று முன்தினம் ராகுல் டீக்கடை அருகில் நின்று கொண்டிருந்தபோது, ராகுல் காந்தி அவரது நண்பர்களுடன் வந்து தகராறு செய்ததாகவும், ராகுல் காந்தியின் மோட்டார் சைக்கிளையும் பறித்துக்கொண்டு சென்றதாகவும் கூறப்படுகிறது.

இந்த நிலையில், ராகுல் காந்தி தனது நண்பர்கள் சிலருடன் ராகுல் தங்கி இருந்த இடத்திற்கு சென்று, ராகுல் மற்றும் கதிர் ஆகியவர்களை அடித்து உதைத்து, கத்தியால் குத்தினார். இதில் மூன்று மாணவர்களுக்கு தலை, கழுத்து, கை, மார்பு உள்ளிட்ட இடங்களில் கத்திக்குத்து விழுந்தது. இதை அடுத்து, அவர்கள் தற்போது மருத்துவமனையில் அனுமதிக்கப்பட்டு சிகிச்சை பெற்று வருகின்றனர்.

இது குறித்து மாணவர் ராகுல் அளித்த புகாரின் அடிப்படையில், காவல்துறையினர் ராகுல் காந்தி உள்பட ஐந்து மாணவர்கள் மீது வழக்கு பதிவு செய்து, விசாரணை செய்து வருகின்றனர்.

Edited by Mahendran