மாரடைப்பால் மருத்துவமனையில் சிகிச்சைக்காக சேர்க்கப்பட்ட கைதி சிகிச்சை பலனின்றி இறந்தார்.
காஞ்சிபுரம் மாவட்டம், சூனாம்பேட்டை சேர்ந்தவர் நாதலிங்கம் (42). இவரை கடந்த 12ஆம் தேதி கள்ளச் சாராய வழக்கில் காவல்துறையினர் கைது செய்து புழல் சிறையில் அடைத்தனர்.
இந்த நிலையில் கைது நாதலிங்கத்திற்கு திடீரென்று மாரடைப்பு ஏற்பட்டது. உடனடியாக அவரை ராயப்பேட்டை அரசு மருத்துவமனையில் காவல்துறையினர் சேர்த்தனர். அங்கு சிகிச்சை பலனின்றி கைதி நாதலிங்கம் இறந்தார்.
இது பற்றி தகவல் அறிந்த நாதலிங்கத்தின் உறவினர்கள் மருத்துவமனையை முற்றுகையிட்டனர். காவல்துறையினர் அடித்ததாலேயே நாதலிங்கம் இறந்ததாக உறவினர்கள் குற்றம்சாற்றினர்.
