பழம்பெரும் நடிகை சரோஜா மரணம்

FILE

பழம்பெரும் நடிகையும், நகைச்சுவை நடிகர் தங்கவேலுவின் மனைவியுமான சரோஜா சென்னையில் இன்று காலமானார்.

1950 முதல் 1970 வரை திரையுலகில் நகைச்சுவை நடிகராக கொடிக்கட்டி பறந்தவர் 'டணால்' தங்கவேலு என்கிற கே.ஏ.தங்கவேலு.

இவரும் எம்.சரோஜாவும் இணைந்து நடித்து 1959-ல் வெளிவந்த கல்யாணப்பரிசு படம், இவர்களின் நகைச்சுவையால் மிகவும் பிரபலமானது.

கணவன் மனைவி யான இவர்கள் இருவரும் இணைந்து சுமார் 300 படங்கள் நடித்துள்ளனர்.

கடந்த செப்டம்பர் 28, 1994- ல் தங்கவேலு மரணமடைந்தார்.

இதனையடுத்து, தனது பிள்ளைகளுடன் சென்னை திநகரில் வசித்து வந்த சரோஜா, இன்று மாரடைப்பால் காலமானார்.