சமச்சீர் கல்வி பாடத்திட்ட தமிழ் புத்தகங்களில் சில பக்கங்களை நீக்க தமிழக அரசு முடிவு செய்துள்ளது. இதனால் பாடப்புத்தகங்களின் விநியோகம் தற்காலிகமாக நிறுத்தப்பட்டுள்ளது.
6 முதல் 10ஆம் வகுப்பு வரையிலான தமிழ் பாடநூல் புத்தகங்களில் இடம் பெற்றுள்ள செம்மொழி வாழ்த்துப்பாடல் உள்ளிட்ட சில பாடங்களை நீக்குவதற்கு பள்ளி கல்வித்துறை முடிவு செய்துள்ளது.
குறிப்பிட்ட பக்கங்கள் நீக்கப்பட்ட பின்னர் புத்தகம் விநியோகம் தொடங்க உள்ளது. இந்த நிலையில் பள்ளி கல்வித்துறை அமைச்சர் சி.வி.சண்முகம், சென்னையில் பாடநூல் கழக அலுவலகத்திற்கு வந்த அதிகாரிகளிடம் ஆலோசனை நடத்தினார்.
பின்னர் செய்தியாளர்களிடம் பேசிய அவர், பள்ளிக் கூடம் திறக்கப்படுவதற்கு முன் சமச்சீர் கல்வி பாடத்திட்ட புத்தகங்கள் விநியோகிக்கப்பட்டு விடும் என்றார்.
